Былы камандуючы НАТА заклікаў вярнуцца да супрацы з Беларуссю і сказаў, за што апладзіруе Лукашэнку
«Беларусь — гэта магчымасць. Не варта паліць масты з ёю».
На пытанні Радыё Свабода адказаў былы Вярхоўны галоўнакамандуючы Аб'яднаных узброеных сіл НАТА ў Еўропе Філіп Брыдлаў (Philip Breedlove). Прыводзім некаторыя з іх.
Якія б былі вашы рэкамендацыі для новай адміністрацыі ЗША наконт палітыкі адносна Беларусі?
Што тычыцца нашай палітыкі адносна Беларусі, то я сказаў, што Беларусь — гэта магчымасць. Мы павінны спрабаваць наладзіць лепшыя адносіны паміж Захадам і Беларуссю. Калі Беларусь пабачыць магчымасці гандлю і іншыя рэчы, якія даюць сувязі з Захадам, я думаю, што ўрэшце беларускае кіраўніцтва зробіць правільнае рашэнне далучыцца да Захаду. Таму я б сказаў, што не варта паліць масты з Беларуссю.
Не дапускайце, каб Беларусь дзейнічала, як Расія, але спрабуйце наладзіць яе добрыя адносіны з Захадам і паказаць, што гэта значыць.
Але наколькі гэта магчыма ў сітуацыі, калі шмат хто лічыць Лукашэнку поўнай марыянеткай Крамля?
Магчыма, прэзідэнт Лукашэнка падкантрольны Расіі. Але ён, як выглядае, спрабуе трымаць іх хаця б на адлегласці выцягнутай рукі. І я яму за гэта пляскаю ў далоні.
Усе нашы дзяржавы мелі часы, калі іх кіраўніцтва падтрымлівала дзіўныя канфігурацыі адносін з рэштай свету. У маёй краіны (ЗША — НН) гэта таксама было. Таму нам трэба спрабаваць працаваць з тымі кіраўнікамі, якія ёсць. Я б глядзеў на Беларусь як на магчымасць, а не як на цалкам адмоўнага ўдзельніка падзей.
Наколькі, на Вашу думку, можна мець адносіны, перамовы і, магчыма, нейкія геапалітычныя саюзы з рэжымам, які трымае столькі палітвязняў?
Тут я зраблю заяву, якую я ўжо рабіў шмат гадоў і шмат хто ў гэтым са мной нязгодны. Відавочна, ёсць рэчы, які нам нельга рабіць з Беларуссю, бо ёсць праблема палітвязняў, іншыя рэчы, дзе беларускае кіраўніцтва не дзейнічае адпаведна заходнім маральным пранцыпам і стандартам.
Людзі часта кажуць — калі маем праблему з нейкай краінай, варта з ёй разарваць адносіны. Я лічу, што нам варта рабіць зусім супрацьлеглае. (…) Калі мы ў стане вайны альбо, калі ў нас вялікія праблемы з іншай краінай, нам трэба павялічваць палітычныя кантакты, каб спрабаваць паўплываць на змены да лепшага.
Я не думаю, што разрыў адносін калі-небудзь прыносіў карысць. Ёсць шмат спосабаў пакарання ці інструментаў, якія мы можам скарыстаць, каб паўплываць на змены. Але калі разрываць дыялог, я не думаю, што мы некалі дасягнём слушнага выніку. Я думаю, што нам трэба павялічваць узаемадзеянне.
Дзмітрыеў просіць вярнуць паслоў у Мінск. «Санкцыі б’юць па людзях, а не па ўладзе»31
Дзмітрыеў просіць вярнуць паслоў у Мінск. «Санкцыі б’юць па людзях, а не па ўладзе»
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі99
Каментары
Дакладна выканаеце, дасылацьмем адно да аднога генэралаў-палкоўнікаў падрыгацца ў сталіцах ў межах працоўных групаў