У Расіі былы ўдзельнік вайны ва Украіне зарэзаў двух сабутэльнікаў і спаліў кватэру, дзе адбывалася застолле
Пермскі краёвы суд прызначыў яму 22 гады калоніі строгага рэжыму, піша «Медыязона».
Акрамя таго, ветэрана абавязалі выплаціць два з паловай мільёны расійскіх рублёў (25 тысяч даляраў) сваякам забітых. Пракурор прасіў прызначыць яму пажыццёвы тэрмін пазбаўлення волі.
Паводле версіі следства, познім вечарам 17 студзеня абвінавачаны піў алкаголь з двума мужчынамі. Падчас застолля ў іх адбыўся канфлікт.
Мужчына разбіў бутэльку, зрабіў з яе «ружачку» і нанёс адной з ахвяр 68 удараў па галаве, тулаве і нагах. Потым ён двойчы ўдарыў сабутэльніка галавой аб металічны радыятар, а пад канец нанёс яму яшчэ восем удараў невядомым прадметам.
Услед за гэтым абвінавачаны ўзяў нож і 66 разоў ударыў ім іншага мужчыну. Ён таксама адрэзаў палец на руцэ і частку вуха забітага. Каб схаваць сляды злачынства, абвінавачаны спаліў кватэру разам са сваімі ахвярамі.
Раней мужчына быў судзімы, аднак яго памілавалі за ўдзел у вайне.
Як жыве і чым займаецца Крысціна Моцная — меркаваная дачка Аляксандра Лукашэнкі37
Каментары