Гамяльчанку на «лексусе» 80 разоў каралі за парушэнне ПДР. Гэтым разам яна настаяла на крыміналцы
Замест штрафу за таніроўку жанчына дала хабар інспектарам.
Супрацоўнікі ДАІ Гомельшчыны заўважылі на адной з вуліц абласнога цэнтра «лексус» з моцна таніраваным шклом. Аўтамабіль спынілі.
За рулём знаходзілася 41-гадовая мясцовая жыхарка, якая больш за 80 разоў прыцягвалася да адміністрацыйнай адказнасці за розныя парушэнні правіла дарожнага руху (ПДР).
Падчас разбору жанчына прапанавала інспектарам рашыць пытанне на месцы, без складання пратаколу, і працягнула грошы — колькі дакладна, невядома, на відэа бачна 20 рублёў. На папярэджанні аб крымінальнай адказнасці не рэагавала і пакінула купюру ў салоне службовага аўтамабіля, паведамляе МУС.
ДАІ нагадвае, што забараняецца ўдзел у дарожным руху транспартнага сродку, ветравое шкло і (або) пярэднія бакавыя маюць ступень святлопрапускання менш за 70%. За гэта прадугледжаны штраф да 1 базавай велічыні (40 рублёў), а за паўторнае на працягу года парушэнне — ад 2 да 5 базавых (80-200 рублёў).
Каментары
А так, донка (офуевшая) офуевшего бизьниЬмэна. Не всё в жизни покупается!...