«Чаша перапоўнена». Кандыдат у канцлеры Германіі прапанаваў жорсткі план па барацьбе з нелегальнай міграцыяй
Кіраўнік Хрысціянска-дэмакратычнага саюза (ХДС) Фрыдрых Мерц выступіў з заявай аб неабходнасці ўвядзення фактычнай забароны на ўезд нелегальных мігрантаў у Германію.
На прэс-канферэнцыі, прысвечанай нападзенню ў Ашаафенбургу, ён падкрэсліў, што падобныя меры стануць яго прыярытэтам з першага дня магчымага знаходжання на пасадзе канцлера, піша Bild.
«Чаша перапоўнена. Мы стаім перад гарой аскепкаў», — заявіў Мерц, падкрэсліўшы, што ён не збіраецца мірыцца з «абсалютна некіруемай жорсткасцю» ў Германіі.
На яго думку, галоўны крок у барацьбе з мігранцкай злачыннасцю — гэта ўзмацненне пагранічнага кантролю і неадкладны адмоўны адказ на ўезд нелегалам. Па яго словах, гэта павінна датычыцца нават тых, хто мае права на абарону.
Мерц дадаў, што Германія павінна «скарыстацца сваім правам на прыярытэт нацыянальнага заканадаўства», каб забяспечыць бяспеку сваіх межаў.
Кандыдат у канцлеры таксама заявіў, што яго ініцыятыва не залежыць ад таго, з якой партыяй ХДС будзе знаходзіцца ў кааліцыі. Ён настойвае, што абарона нацыянальных інтарэсаў і бяспека грамадзян павінны стаяць вышэй за палітычныя кампрамісы.
Гэтая заява прагучала на фоне нападу ў Ашафенбургу, дзе на днях бежанец з Афганістана забіў мужчыну і двухгадовае дзіця. Мерц назваў цяперашнюю сітуацыю вынікам правалаў міграцыйнай палітыкі і падкрэсліў, што мае намер кардынальна змяніць падыход да гэтага пытання.
-
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
-
Гламурны космас. Джэф Безас адпраўляе сёння ў космас сваю нявесту і яшчэ пяць жанчын
-
Кыргызстан уручыў ноту пратэсту расійскаму паслу пасля аблавы і жорсткага збіцця сваіх грамадзян у маскоўскай лазні
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары