«Суд стаў неахвотна прымаць». Жыхароў Гомельшчыны сталі радзей судзіць за «экстрэмізм»
Пра скарачэнне колькасці адміністрацыйных спраў за палітыку паведаміла крыніца выдання «Флагшток», звязаная з сілавымі структурамі аднаго з раёнаў Гомельскай вобласці.
Са слоў крыніцы, райсуд стаў неахвотна прымаць да разгляду міліцэйскія пратаколы паводле тыповых «экстрэмісцкіх» артыкулаў Адміністрацыйнага кодэкса. З чым гэта звязана, пакуль дакладна не вядома.
Сайт электроннага судаводства на гэты момант паказвае ў раскладзе судоў Гомельскай вобласці на найбліжэйшы тыдзень толькі чатыры «экстрэмісцкія» адміністратыўкі: два суды за «падпіскі» ў Гомелі і па адным у Гомельскім і Мазырскім раёнах. На мінулым тыдні ў Гомельскай вобласці зафіксавана 10 судовых працэсаў па тыповых палітычных артыкулах.
Для параўнання: паводле інфармацыі праваабаронцаў «Гомельскай вясны» за два месяцы восені 2024 года па палітычных артыкулах было асуджана 337 жыхароў Гомельскай вобласці.
Важна, праўда, адзначыць, што не ўсе «экстрэмісцкія» адміністрацыйныя справы трапляюць у расклад судоў.
Хто з беларусаў трапіў на прыём да прэзідэнта Польшчы ШМАТ ФОТА10
Каментары