У Клімавіцкім раёне загубілі 15 тон «Бацькі». За гэта пакаралі чатырох кіраўнікоў.
Пракуратура вырашыла праверыць гаспадаркі Клімавіцкага раёна і знайшла парушэнні.
У адной з гаспадарак Клімавіцкага раёна сапсавалася 15 тон ячменю гатунку «Бацька». Кіраўнік прадпрыемства, яго намеснік, галоўны аграном і загадчык складам не забяспечылі кантроль за якасцю і захаванасцю ячменю, а таксама парушылі тэхналогію захоўвання.
За псаванне «Бацькі» чатыром кіраўнікам давядзецца заплаціць свайму прадпрыемству 10 тысяч рублёў — так вырашыў суд.
Толькі за месяц пракуратура раёна выявіла тры выпадкі псавання збожжа, а таксама рэалізацыю збожжа па цане ніжэй кошту набыцця. Пракурор даручыў міліцыі правесці праверкі.
Акрамя таго, пракуратура раёна падала ў суд тры іскі аб спагнанні з вінаватых асоб шкоды, прычыненай сельгаспрадпрыемствам псаваннем збожжа, і адну іскавую заяву па факце рэалізацыі збожжа па цане ніжэйшай за кошт набыцця.
Суд пазовы задаволіў, з вінаватых спагнана больш за 31 тысячу рублёў.
Цяпер чытаюць
Высветлілі, дзе адбываўся «допыт» каліноўца Васіля Грачыхі15
Каментары