1 красавіка ўводзіцца сезонная забарона на лоўлю рыбы
З 1 красавіка па 30 мая ў Беларусі будзе дзейнічаць забарона на лоўлю ўсіх відаў рыбы.
Як паведаміла прэс‑сакратар Міністэрства прыродных рэсурсаў і аховы навакольнага асяроддзя Алена Пенязь, гэта прадугледжана правіламі вядзення рыбалоўнай гаспадаркі і рыбалоўства. Забарона на лоўлю рыбы дазваляе забяспечыць умовы для яе паспяховага нерасту.
У перыяд забароны дазволена толькі аматарскае рыбалоўства адной вудай з адным кручком ці адным спінінгам, які абсталяваны штучнай прынадай, з адным адзінарным, ці двайным, ці трайным кручком.
Пры гэтым лавіць рыбу дазволена ў светлы час сутак з берага.
Паводле слоў Пенязь, з 1 красавіка па 15 чэрвеня ў Беларусі таксама забараняецца лоўля прэснаводных крэветак. Акрамя таго, з 1 красавіка па 1 лістапада дзейнічае забарона на здабычу матыля: лічынак камароў‑званцоў, якія жывуць у прыдонным глеі і выкарыстоўваюцца ў якасці корму для рыбы.
Нагадаем,
штраф за незаконную рыбную лоўлю складае для грамадзян ад 10 да 50 базавых велічынь з канфіскацыяй прылады незаконнай здабычы,
для індывідуальных прадпрымальнікаў — ад 50 да 200 базавых велічынь, для юрыдычных асоб — ад 500 да 1.000 базавых велічынь. У дапаўненне да штрафу неабходна выплаціць суму, у якую спецыялісты ацэняць пакрыццё шкоды навакольнаму асяроддзю. Гэта сума разлічваецца ў залежнасці ад колькасці і віду незаконна вылаўленай рыбы.
Цяпер чытаюць
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»8
Каментары