З'явіўся рэйтынг самых дарагіх гарадоў свету. На якім месцы Мінск?
Аналітычны сэрвіс Numbeo прадставіў абноўлены спіс самых дарагіх для пражывання гарадоў у 2025 годзе. У рэйтынгу — 404 гарады.
Швейцарскія гарады занялі першыя шэсць радкоў у рэйтынгу самых дарагіх для жыцця, піша myfin.by.
У прыватнасці, гэта Цюрых, Жэнева, Базэль, Лазана, Лугана і Берн.
У топ-10 таксама ўвайшлі Нью-Ёрк (ЗША), Рэйк'явік (Ісландыя), Ганалулу (Гаваі, ЗША) і Сан-Францыска (ЗША).
Мінск размясціўся на 367-м радку абноўленага рэйтынгу. Гэта сведчыць аб нізкім узроўні кошту жыцця ў беларускай сталіцы ў параўнанні з большасцю еўрапейскіх і сусветных мегаполісаў, прадстаўленых у даследаванні.
Для параўнання: Рыга заняла 206-е месца, Вільнюс — 210-е, Варшава — 211-е, Масква — 230-е, Ерэван — 257-е, Тбілісі — 316-е, Баку — 340-е, Астана — 366-е, Ташкент — 370-е.
Традыцыйна ўсім гарадам прысвойваецца «вартасны» індэкс, які разлічваецца адносна цэнаў Нью-Ёрка (паказчыкі амерыканскага горада лічацца за 100%).
Эксперты аналізуюць кошт прадуктаў харчавання, рэстаранаў, арэнднай платы, пакупніцкую здольнасць насельніцтва.
Чытайце таксама:
Апублікаваны рэйтынг самых дарагіх краін для жыцця. На якім месцы Беларусь?
Цяпер чытаюць
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе6
Каментары