КНДР запусціла некалькі балістычных ракет за тыдзень да саміту ў Паўднёвай Карэі
Паўночная Карэя запусціла некалькі балістычных ракет малой далёкасці ў бок Японскага мора каля ўсходняга ўзбярэжжа краіны — гэта першы такі запуск за некалькі месяцаў і ўсяго за тыдзень да таго, як сусветныя лідары, уключаючы прэзідэнта ЗША Дональда Трампа, прыбудуць у Паўднёвую Карэю на саміт Азіяцка-Ціхаакіянскага эканамічнага супрацоўніцтва, піша Бі-бі-сі.
Апошні раз Пхеньян запускаў балістычныя і крылатыя ракеты малой далёкасці ў маі. Гэта першы запуск, ажыццёўлены КНДР пры паўднёвакарэйскім прэзідэнце Лі Чжэ Мене. Ён уступіў на пасаду ў чэрвені і паабяцаў прыкласці ўсе намаганні дзеля змяншэння ваеннай напружанасці на Карэйскім паўвостраве.
Паводле звестак паўднёвакарэйскіх вайскоўцаў, балістычныя ракеты малой далёкасці праляцелі каля 350 км.
«Нашы вайскоўцы ўзмацнілі маніторынг у межах падрыхтоўкі да магчымых дадатковых запускаў і падтрымліваюць пастаянную гатоўнасць, адначасова абменьваючыся адпаведнай інфармацыяй з ЗША і Японіяй», — заявілі паўднёвакарэйскія вайскоўцы.
Саміт Азіяцка-Ціхаакіянскага эканамічнага супрацоўніцтва пройдзе ў Паўднёвай Карэі з 31 кастрычніка па 1 лістапада. Трамп, як чакаецца, прыедзе ў Сеул 29 кастрычніка. У свой першы прэзідэнцкі тэрмін Трамп тры разы сустракаўся з Кім Чэн Ынам і нядаўна сказаў, што хацеў бы яшчэ раз сустрэцца з паўночнакарэйскім лідарам, «магчыма, у гэтым годзе».
Дзяржаўныя СМІ КНДР перадалі, што Кім адкрыты да перамоваў, калі ЗША адмовяцца ад ідэі дэнуклеарызацыі Паўночнай Карэі. У кастрычніку ўлады Паўночнай Карэі прадэманстравалі новую міжкантынентальную балістычную ракету «Хвасон-20» на вайсковым парадзе ў гонар 80‑годдзя з дня заснавання Партыі працы Карэі.
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»23
Каментары