Пра значны фронт работ на рынку яго генеральны дырэктар паведаміў у ліпені. Прычым абнаўленні закрануць усю гандлёвую прастору.
Мясныя рады — першы этап, і ён ужо завершаны, пішуць «Мінск-Навіны».
— Апошні раз халадзільныя вітрыны на мясных радах змянялі ў 2013 годзе, — удакладнілі прадстаўнікі Камароўскага рынку. — Да пачатку мадэрнізацыі на працягу двух гадоў праводзілася падрыхтоўчая работа па распрацоўцы дызайн-праекта, тэхнічнай дакументацыі, тэндараў. Прынцыпова важны момант: работы праводзяцца паэтапна, каб не дастаўляць дыскамфорту ні прадаўцам, ні пакупнікам. Гандаль не павінен стаяць на месцы.
На першым этапе абноўленыя 46 месцаў, дзе прадаюць мясную прадукцыю. Сваёй чаргі чакаюць яшчэ 47, а таксама 22 месцы пад птушку і 12 — для экзатычных гародніны і садавіны. Змены закранулі як візуальны, так і ўнутраны складнік.
— У новых вітрынах значна больш месца, — адзначыла прадавачка Жана Стрыжак. — Гэта пытанне зручнасці, у тым ліку і для пакупнікоў. Вугал агляду палепшыўся. Няма неабходнасці складаць піраміду, каб усё змясцілася.
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»7
Каментары