Супрацоўнікі Першамайскага РАУС затрымалі 24‑гадовую мінчанку, якую завербавалі тэлефонныя махляры, паведамляе прэс-служба МУС.
Напярэдадні бабулі дзяўчыны патэлефанавалі невядомыя і прадставіліся работнікамі «Белтэлекама». Пад выглядам падаўжэння дамовы яны запатрабавалі пашпартныя звесткі жанчыны. Потым з ёй звязаўся ілжэправаахоўнік, паведаміў, што махляры ўцягнулі яе ў злачынную схему, і прапанаваў паўдзельнічаць у затрыманні зламыснікаў.
Размову пачула ўнучка жанчыны. Яна таксама паверыла махлярам і вырашыла замест бабулі выконваць інструкцыі.
Дзяўчына атрымала ад куратара адрас, дзе павінна была забраць пасылку ў іншай падманутай пенсіянеркі. Ахвяра падрыхтавала грошы нібыта для дэкларавання, але своечасова адумалася і звярнулася ў міліцыю. Кур’ерку аператыўна затрымалі, яна не паспела перадаць наяўныя зламыснікам.
Заведзеная крымінальная справа за махлярства.
Каментары