Школу №228 у раёне «Мінск-Свет» плануюць адкрыць у студзені 2026 года. Пра гэта расказаў начальнік упраўлення па адукацыі Аляксандр Юдзінец на пасяджэнні адміністрацыі раёна, паведамляе афіцыйны тэлеграм Кастрычніцкага раёна.
Плануецца, што школа для вучняў пачатковых класаў адкрыецца ў пачатку трэцяй чвэрці.
— Улічваючы, што школа адкрыецца ў сярэдзіне навучальнага года, не варта разлічваць на яе максімальнае камплектаванне, — папярэдзіў кіраўнік Кастрычніцкага раёна Эдуард Тамільчык. — Адначасова новабудоўля абсталёўваецца ў адпаведнасці з найвышэйшымі стандартамі, таму попыт на яе ў будучым прадугледжваецца высокі. Ужо можна пачынаць планаваць замацаванне мікрараёнаў на 2026/2027 навучальны год.
Папярэдне за школай замацаваныя некалькі жылых дамоў, якія да гэтага часу належалі да школ на вуліцы Асаналіева.
Да 228‑й школы будуць належаць дамы па гэтых адрасах:
- Бялградская, 9, 11;
- Брацкая, 1, 5, 7, 9, 11, 13, 15, 17, ад дома № 20 (цотны бок);
- Жарэса Алфёрава;
- Міхаіла Савіцкага: ад дома № 23 і далей;
- Ігара Лучанка: 11, 13, ад дома № 15 і далей;
- Ніколы Тэслы: ад дома № 22 (цотны бок);
- Леаніда Шчамялёва;
- праспект Міра: ад дома № 12 (цотны бок).
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1818
Каментары