Беларуска прадае на барахолцы рэчы брата, пакуль той у арміі. Каб сабраць на адваката і пакінуць брата без спадчыны
На сайце бясплатных аб’яў знайшлася вельмі цікавая прапанова. Сама рэч нічога асаблівага не ўяўляе: кофта як кофта. Але вось прычына продажу апісана вельмі самабытна, піша Blizko.by.
Кацярына з Наваполацка, якая хаваецца пад псеўданімам Flow, прадае мужчынскі швэдар за 15 рублёў і суправаджае яго такім апісаннем:
«Мужчынская кофта. Брата забралі ў армію, таму прадаю яго рэчы, пакуль ён не вярнуўся. Цёплая, зручная, яму падабалася, таму прадаю танней, чым яна каштуе. Увогуле бясплатна б аддала, але збіраю на адваката, каб ён не ўступіў у спадчыну і застаўся з голай д***й».
У гэтай жа дзяўчыны ёсць яшчэ некалькі лотаў, і ўсе яны апісаныя жыва, з агеньчыкам і непадробным жыццёвым досведам.
Вось жакет: «Мой рост 165, памер сорак другі. Але нібыта на мне глядзіцца добра, так што думаю, падыдзе. Але на бірцы пазначаны 44 памер, хоць ён больш падобны на аверсайз. Напэўна, ваўняны, але я прагульвала ўрокі працы, таму не ўпэўненая. Пасля мыцця не разваліўся».
А вось музычная калонка: «Я калонкай увогуле не карысталася. Дастала з каробкі толькі каб сфатаграфаваць. Гучыць выдатна, проста мне яна не патрэбная, а грошы патрэбныя».
Каментары