Камітэт дзяржбяспекі атрымаў больш шырокія паўнамоцтвы для кантролю над фінансавымі аперацыямі грамадзян.
Нагадаем, што ў адпаведнасці з Законам Рэспублікі Беларусь «Аб мерах па прадухіленні легалізацыі даходаў, атрыманых незаконным шляхам, і фінансавання тэрарыстычнай дзейнасці» Савет міністраў Беларусі яшчэ ў 2006 годзе надзяліў КДБ паўнамоцтвамі вызначаць пералік асобаў, што «здзяйсняюць фінансавыя аперацыі, у дачыненні да якіх ёсць звесткі пра іх удзел у тэрарыстычнай дзейнасці альбо знаходжанне пад кантролем асоб, якія займаюцца тэрарыстычнай дзейнасцю, і давядзення гэтага пераліку да ведама асоб, якія ажыццяўляюць фінансавыя аперацыі.
Складзены КДБ пералік даводзіўся Камітэтам дзяржаўнай бяспекі да дзяржаўных органаў, якія кантралявалі дзейнасць асоб, што ажыццяўляюць фінансавыя аперацыі, і органа фінансавага маніторынгу ў мэтах інфармавання асоб, якія ажыццяўляюць фінансавыя аперацыі.
Кажучы простай мовай, КДБ фармаваў спіс асоб, у дачыненні якіх былі падазрэнні, што яны маюць дачыненне да тэрарыстычных арганізацыяў альбо знаходзяцца пад іх кантролем. Гэты пералік накіроўваўся ў дзяржаўныя органы, якія кантралявалі ўсе фінансавыя аперацыі, што выконваліся асобамі, уключанымі ў пералік. Але КДБ тут быў абмежаваны тым, што ў пералік маглі ўключацца толькі тыя асобы, якія ажыццяўлялі фінансавыя аперацыі. Цяпер сітуацыя крыху зменіцца.
Згодна з пастановай Саўміна № 1287, з гэтага часу
КДБ зможа ўключаць у пазначаны пералік не толькі асобаў, якія непасрэдна ажыццяўляюць фінансавыя аперацыі, а ўсіх «удзельнікаў фінансавай аперацыі».Пры гэтым у пастанове не вызначана, хто трапляе пад вызначэнне «ўдзельніка фінансавай аперацыі».
Улічваючы, што падставай для ўключэння ў пералік з’яўляюцца звесткі, атрыманыя ў выніку дзейнасці органаў дзяржаўнай бяспекі, а таксама «іншыя падставы ў адпаведнасці з заканадаўчымі актамі Рэспублікі Беларусь», то цяпер
у пералік пад кантроль КДБ можа трапіць практычна кожны.
-
Праз крызіс, выкліканы паветранымі балонамі з кантрабандай, у Літве абвешчаная надзвычайная сітуацыя
-
Ці можна забраць рогі, якія знайшлі ў лесе? Можна, але леснікі просяць гэтага не рабіць — вось чаму
-
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі
Цяпер чытаюць
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі5
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2222
Каментары