Сербскі рэжысёр назваў Лукашэнку «моцнай асобай».
«Моцнай асобай» назваў Аляксандра Лукашэнку сербскі рэжысёр Эмір Кустурыца.
«Гэта была сустрэча з вельмі моцным чалавекам. Можа быць, камусьці гэта не падабаецца, але гэта вельмі моцная асоба», — заявіў Кустурыца 10 лістапада на
«Гэта была вельмі прыемная сустрэча, — сказаў рэжысёр. — Я памятаю яго яшчэ з тых часоў, калі ён падтрымаў наш народ падчас бамбёжак, і за гэта я яму вельмі ўдзячны.
Я яму сказаў, што мне падабаецца арыгінальнасць гэтай краіны, і распавёў аб эканамічных тэорыях адносна краін, якія пераходзяць з камунізму і сацыялізму ў капіталізм.
Паводле гэтай тэорыі, наколькі павольней краіна рухаецца ў бок капіталізму, настолькі лепш гэтай краіне».
«Я вялікі прыхільнік вашай краіны, бо яна вельмі акуратна прымае капіталізм у свае шэрагі,— заявіў Кустурыца. — І вельмі разумна гэта робіць, бо капіталізм — гэта змрок. І яшчэ таму, што маленькія славянскія краіны ствараюць вялікае славянскае братэрства. Я думаю, што ў вас з намі, у сербаў і беларусаў, ёсць вельмі шмат добрага».
Рэжысёр прызнаўся, што прытрымліваецца левых, інтэрнацыянальных поглядаў, верыць у добрых людзей, ва ўтапічную карціну свету — і ўсё гэта «супярэчыць тэндэнцыям сучаснага свету». «Атрымліваецца, што я вяду карабель супраць ветру», — адзначыў ён.
«У сваёй вёсцы я стварыў свой уласны горад з дрэва, які шмат хто заве няправільнай вёскай, — расказаў Кустурыца. — Гэта горад, у якім існуюць усе атрыбуты горада антычнай Грэцыі — там ёсць свой кінатэатр, царква, крама, амфітэатр, лазня. Я там граданачальнік. У гэтым горадзе няма выбараў, няма дэмакратыі.
Там проста ўсе адзін аднаго любяць, таму няма патрэбы ў дэмакратыі. Тып кіравання ў маім горадзе можна назваць салодкай дыктатурай».
Кустурыца лічыць, што «менавіта ў такім ладзе кіравання горадам ляжыць будучыня чалавецтва». «Існуе два вынікі новага кіравання светам: таталітарызм, які будзе апошняй ступенню капіталізму, ці ўлада Кітая. І у адным, і другім выпадку не будзе дэмакратыі. Таму мая тэорыя — вялікае абяцанне будучыні чалавецтва. Я думаю, што будучыня — у так званай салодкай дыктатуры», — заявіў Кустурыца.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі84
Каментары