і застанецца ва ўладзе ў Казахстане, пакуль яму дазваляе здароўе.
Прэзідэнт Казахстана Нурсултан Назарбаеў паабяцаў заставацца ва ўладзе столькі, колькі яму дазволяць «здароўе і сілы». Сваё рашэнне ён прыняў пасля таго, як «зразумеў сігнал народа»: трэба працаваць далей.
«Калі мне дазволяць здароўе і сілы, калі будзе падтрымка народа, я буду працаваць, колькі мне дазволяць. Мы павінны ўсімі сваімі сіламі служыць нашаму народу», — заявіў у пятніцу Назарбаеў, выступаючы на сумесным пасяджэнні палат парламента з штогадовым пасланнем да народа.
Цяперашні тэрмін паўнамоцтваў Назарбаева, які стаў прэзідэнтам яшчэ ў 1990 г., заканчваецца ў 2012 г. «Я збіраўся прыняць удзел у выбарах прэзідэнта 2012 года», — прызнаў кіраўнік дзяржавы.
Цэнтрвыбаркам Казахстана 27 снежня 2010 г. зарэгістраваў ініцыятыўную групу па правядзенні ў краіне рэферэндуму аб падаўжэнні паўнамоцтваў прэзідэнта да 6 снежня 2020 г.
Як адзначыў Назарбаеў, у падтрымку рэферэндуму было пададзена больш за 5.000.000 подпісаў — прыкладна дзве траціны электарату краіны.
«Я зразумеў сігнал народа: не пакідай пасаду, працягвай далей працаваць», — сказаў прэзідэнт, дадаўшы, што «нягледзячы на тое, што я не кароткі час працую на гэтай пасадзе, заўсёды народ быў разам са мной».
Казахстанскія парламентарыі раней звярталіся да кіраўніка дзяржавы з заклікам прызначыць рэспубліканскі рэферэндум па пытанні аб зменах у канстытуцыю, якія прадугледжваюць магчымасць падаўжэння на рэспубліканскім рэферэндуме прэзідэнцкіх паўнамоцтваў першага прэзідэнта і лідэра нацыі. Але Назарбаеў сваім указам адхіліў прапанову парламента. Аднак дэпутаты на сумесным пасяджэнні палат парламента пераадолелі вета кіраўніка дзяржавы па пытанні падаўжэння яго паўнамоцтваў да 2020 года без выбараў праз рэферэндум і прынялі папраўкі ў канстытуцыю аб правядзенні рэферэндуму. У сваю чаргу Назарбаеў не падпісаў прынятыя папраўкі і накіраваў іх у Канстытуцыйную раду.
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары