Галоўны трэнер «Пары Сен-Жэрмена» скардзіцца на перагружанасць футбалістаў
Напярэдадні матча ў адказ 1/16 фіналу Лігі Еўропы супраць барысаўскага БАТЭ галоўны трэнер «ПарыСен-Жэрмена » Антуан Камбуарэ паскардзіўся на перагружанасць сваіх футбалістаў, якія выступаюць паралельна ў трох турнірах: ЛЕ, чэмпіянаце і Кубку Францыі.
«БАТЭ рыхтуецца толькі да адной гульні, а мы крыху стаміліся пасля выезду ў Мінск і паядынку з „Ніцай“. Акрамя таго, сапернік нас вельмі добра вывучыў», — сказаў Камбуарэ на
Трэнер адзначыў, што пасля ўдалага выступлення ў еўракубках у «ПСЖ» лепш ідуць справы ў чэмпіянаце, сведчаннем чаму стала перамога над «Ніцай» (3:0) пасля нічыёй з БАТЭ (2:2). «Гульцоў я буду матываваць тым, што пасля перамог таксама прыходзяць перамогі і трэба перамагчы заўтра, каб затым абыграць „Тулузу“ ў чэмпіянаце», — заявіў Камбуарэ.
«Для БАТЭ расклад зразумелы: трэба перамагаць або гуляць унічыю 3:3, — адзначыў ён. — Для нас галоўнае не страціць здабытую перавагу.Але калі і прайграем, жыццё працягнецца». Паводле слоў Камбуарэ, беларускі клуб нацэлены на атаку, і гэта можа стварыць цяжкасці абароне «ПСЖ».
Абаронца гаспадароў Зумана Камара ўказаў на добрыя ўмовы падрыхтоўкі каманды да гульні. «Хаця сёння ідзе дождж, гэта вельмі далёка ад таго, што было ў першым матчы, калі цяжка было прывыкнуць да марозу і поля», — сказаў футбаліст. На яго думку, БАТЭ з першых хвілін не кінецца ў наступленне, каб забіць, а будзе праводзіць пазіцыйныя атакі.
«Палову шляху мы прайшлі, але наперадзе яшчэ палова шляху, і мы вельмі сур’ёзна рыхтуемся», — падкрэсліў Камара.
Каментары