Старшыня аргкамітэта па стварэнню руху салідарнасці «Разам» Вячаслаў Сіўчык, які знаходзіцца ў эміграцыі, павіншаваў беларусаў з пятай гадавінай падзей, што адбыліся на Кастрычніцкай плошчы ў Мінску пасля прэзідэнцкіх выбараў 2006 года.
У лісце «Плошчы Каліноўскага пяць гадоў» палітык віншуе ўсіх грамадзян Беларусі са святам і прапануе разам прыгадаць «мужнасць тысяч беларусаў, якія абаранялі Плошчу пяць гадоў таму»; узгадаць «пра дзесяткі тысяч, што іх падтрымлівалі, перадавалі рэчы і ежу, удзельнічалі ў мітынгах», падзякаваць «нашым героям, што паставілі першыя намёты 20 сакавіка 2006 года».
Сіўчык выказвае падзяку «мужным дзяўчатам і хлопцам» і заклікае «не ўпадаць ў роспач». Ліст завяршаецца словамі: «Мы яшчэ вернемся на пляц Каліноўскага, бо мы пераможам! Жыве Беларусь!».
Як паведаміла маці палітыка Галіна Сіўчык, вечарам 20 сакавіка гэтае пасланне яе сына было зачытана ўдзельнікам малітвыа за палітзняволеных, які з 20 студзеня 2010 года штодня праводзіцца каля скульптурнай кампазіцыі «Архангел Міхаіл перамагае зло» на тэрыторыі сталічнага Чырвонага касцёла (святых Сымона і Алены). У малітвах разам з бацькамі палітзняволеных і іх роднымі ўдзельнічаюць грамадскія актывісты.
19–25 сакавіка 2006 года Вячаслаў Сіўчык быў адным з актывістаў намётавага лагеру на Кастрычніцкай плошчы.
За мяжу Сіўчык выехаў пасля прэзідэнцкіх выбараў 2010 года.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары