У дзвюх кнігах.
Паведамляю Вам, што яшчэ ёсьць магчымасьць набыць першы том (у дзьвюх кнігах, разам 1720 старонак, вага камплекту - 2,6 кг) «АРХІВАЎ БЕЛАРУСКАЙ НАРОДНАЙ РЭСПУБЛІКІ».
Кніга была выдадзеная ў 1998 годзе, у кнігарнях не прадаецца, на складзе застаецца яшчэ каля 150 камплектаў, якія чакаюць пакупнікоў.
***
«Архівы БНР» – публікацыя архіўных дакумэнтаў, якія захоўваюцца ў фондзе №582 Дзяржаўнага архіву Літвы. У гэтых дакумэнтах – гісторыя спробаў стварэньня незалежнай беларускай дзяржаўнасьці пасьля Першай сусьветнай вайны ў шырокім кантэксьце. Падзеі гэтай гісторыі адбываюцца ў Беларусі, Украіне, Літве, Расеі, Польшчы, Нямеччыне, Чэхіі.
Гэты архіўны збор для беларускіх дасьледнікаў ня быў сакрэтам, яшчэ ў савецкія часы зь ім працавалі афіцыйныя гісторыкі, спасылкі на дакумэнты з гэтага фонду часта сустракаюцца ў антыБНРаўскіх публікацыях. Аднак з узьнікненьнем паміж Беларусью і Літвой дзяржаўнай мяжы праца ў літоўскіх архівах для беларускіх дасьледнікаў моцна ўскладнілася.
«Архівы БНР» фактычна дазваляюць мець усе 135 папак-справаў фонду №582 пад рукой – там на 1720 старонках падрабязна апісаныя ў храналягічным парадку ўсе дакумэнты і матэрыялы. Бальшыня зь іх публікуецца цалкам, непублікаваныя падрабязна апісваюцца, і ў разе патрэбы іх можна лёгка знайсьці. Асаблівую каштоўнасьць мае эпісталярый – у кнізе публікуецца каля 1500 лістоў беларускіх палітычных, грамадзкіх і культурных дзеячоў 1917-1925 гадоў. У дадатках – унікальная бібліяграфія тагачаснай пэрыёдыкі, ілюстрацыйныя матэрыялы. Багатыя паказальнікі – іменны, геаграфічны і прадметны – дазваляюць знайсьці ў кнізе практычна ўсё, што можа зацікавіць дасьледніка або неабыякавага чытача, што дазваляе чытаць кнігу зь любога канца, сачыць за лёсам паасобных герояў і мясьцінаў нібы ў нейкім авантурным рамане.
Заяўкі пакідаць або тут, або ў каментарах да гэтага поста на shupa.livejournal.com
-
Вядомы партрэт Каганца аказаўся савецкім фэйкам, затое знайшлося адзінае фота археолага Татура. Разгаданыя фотатаямніцы Беларускага музея ў Вільні
-
У Польшчы прэзентуюць беларускамоўны пераклад манаграфіі пра ВКЛ
-
Сенсацыйная знаходка ў Германіі: адшуканы невядомы раней асобнік найрадзейшага «Псалтыра» Францішка Скарыны 1522 года
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары