26 красавіка ў Беларускім дзяржаўным універсітэце пройдзе традыцыйны студэнцкі кірмаш вакансій.
Паводле звестак прэс-службы БДУ, кірмаш адкрыецца ў 10.00 на гістарычным факультэце (вул. Чырвонаармейская, 6). Мэта — садзейнічаць працаўладкаванню студэнтаў БДУ і іншых беларускіх ВНУ ў вольны ад вучобы час, а таксама дапамагчы ў пошуку будучага месца працы.
Сёлета кірмаш вакансій праходзіць пад дэвізам "Дай старт сваёй кар'еры!". У яе межах запланаваны прэзентацыі розных кампаній, трэнінгі па складанні рэзюме і праходжанні гутаркі пры ўладкаванні на працу. На кірмаш запрошаны прадстаўнікі псіхалагічнай службы БДУ, аддзела па працаўладкаванні Маскоўскага раёна Мінска і рэдакцыі газеты "Работа сегодня".
0
0
0
0
0
0
