Кніга выйдзе без купюр і з каментарамі.
Кніга выйдзе без купюр і з каментарамі.
Рыхтуе выданне літаратуразнаўца Аляксандр Фядута.Ён адзначыў, што «Запіскі об управленіі Северо-Западным краем» віленскага генерал-губернатара Міхаіла Мураўёва друкаваліся ў часопісах у ХІХ стагоддзі. Асобнай кнігай выходзілі ў пачатку ХХ стагоддзя, тады іх пераклалі і выдалі таксама па-польску, але без каментароў.
«Можна было б гэтым і абмежавацца. Калі б не спроба «ўваскрасіць» Мураўёва ў беларускай і расійскай афіцыёзнай гістарыяграфіі», — сказаў Аляксандр Фядута.
Успаміны адносяцца да перыяду знаходжання Мураўёва на пасадзе Віленскага генерал-губернатара. Яны выйдуць у серыі «Беларуская мемуарная бібліятэка».
Праца пакуль толькі пачалася. Сп. Фядута спадзяецца цягам года яе скончыць.
«Наша задача — прафесійна адкаментаваць «Запіскі...», супаставіць выказванні «віленскага праконсула», як называў яго Герцэн, з дакументамі, успамінамі паўстанцаў, а не толькі яго памагатых і прыхільнікаў, з ацэнкамі сучасных даследчыкаў.
Мы хочам даць беларускаму чытачу аб’ектыўны партрэт вешальніка».
Аляксандр Фядута таксама адзначыў, што плануе прааналізаваць купюры, зробленыя ў ХІХ стагоддзі пры падрыхтоўцы першага выдання.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым5
Каментары