У Беларусі распрацаваны планы захавання пяці відаў рэдкіх жывёл і раслін
У Беларусі распрацаваны нацыянальныя планы дзеянняў па захаванні пяці відаў жывёл і раслін, уключаных у Чырвоную кнігу.Яны падрыхтаваны ў межах праекта Праграмы развіцця ААН/Глабальнага экалагічнага фонду «Інтэграцыя пытанняў захавання біяразнастайнасці ў палітыку і практыку тэрытарыяльнага планавання ў Беларусі», які рэалізуецца з 2010 па 2013 гады, паведаміла БелаПАН спецыяліст па сувязях з грамадскасцю праекта Ірына Новак.
Паводле яе слоў,
гаворка ідзе пра планы па захаванні вялікага бугая, сіваграка, лутка, граздоўніка рамонкаліставага і ліпарыса Лезеля.Яшчэ для трох відаў — вяртлявай чарацянкі, вялікага падворліка і дупеля — планы па захаванні былі перагледжаны і актуалізаваны. Усяго на сёння спіс жывёл і раслін, для якіх планы дзеянняў распрацоўваюцца ў першачарговым парадку, налічвае 21 від.
Паводле слоў начальніка ўпраўлення біялагічнай і ландшафтнай разнастайнасці Міністэрства прыродных рэсурсаў і аховы навакольнага асяроддзя Наталлі Мінчанкі, планы з’яўляюцца важным інструментам захавання відаў дзікіх жывёл і дзікарослых раслін, якія адносяцца да рэдкіх або знаходзяцца пад пагрозай знікнення і маюць не толькі нацыянальную, але і міжнародную значнасць.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым5
Каментары