Хоць у будынку на Румянцава польскае консульства сядзела нават у часы БССР.
1 ліпеня Польшча пачынае сваё старшынства ў ЕС. Для дыпмісіі гэтай краіны ў Беларусі пачатак старшынства супаў з побытавымі праблемамі.
У Мінску дыпламатаў папрасілі вызваліць будынак на вуліцы Румянцава, які пасольства Польшчы арандавала доўгія гады. Афіцыйная прычына — скончыўся тэрмін арэнды.
— Беларускі бок прапанаваў іншыя варыянты для размяшчэння дыпмісіі ці, можа быць, Польшча вырашыла пабудаваць уласны будынак рэзідэнцыі ў Мінску? — пацікавілася «Народная воля» ў пасла Польшчы ў Беларусі Лешка Шарэпкі.
— У нас ёсць такія планы, але думаю, мы наўрад ці дамо ім рады ў найбліжэйшы перыяд. Для гэтага трэба час, 3–4 гады, — сказаў дыпламат. — Калі я прыехаў у Мінск, я атрымаў паведамленне, што пасольства мусіць выселіцца. І гэта стварыла цяжкасці.
У Беларусі рынак нерухомасці не вельмі развіты, цяжка знайсці месца, куды можна перасяліць пасольства.А ў цэнтры знайсці такія плошчы, будынак практычна наогул немагчыма, яны так ці інакш занятыя муніцыпальнымі службамі, дзяржструктурамі. Шчыра скажу, я спрабаваў на гэты конт дамовіцца з МЗС Беларусі, спрабаваў дамовіцца пра сустрэчу ў Адміністрацыі прэзідэнта. Але на ноту, якую мы накіравалі два месяцы таму, адказу не атрымалі. Але будзем спрабаваць вырашыць гэтую сітуацыю.
Варта адзначыць, што ў будынку на Румянцава польскае консульства сядзела нават у часы БССР.
Цяпер чытаюць
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі39
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары