У ноч на 14 лістапада невядомыя пабілі вокны ў будынку бабруйскай сінагогі, якая знаходзіцца на вуліцы Сацыялістычнай. Яе агароджу 11 лістапада зламыснікі распісалі нацысцкімі заклікамі і свастыкай.
Напад на будынак вернікі называюць хуліганскай ды варварскай выхадкай.
«Зробленыя надпісы зневажаюць годнасць чалавека. Напісалі „Смерць жыдам“, намалявалі фашысцкую свастыку і разбілі вокны. Мне сказалі, што гэта было прыкладна ў дзве гадзіны ночы. Дужа вялікія матэрыяльныя страты. Пабілі чатыры вялікія шыбы. Новыя плястыкавыя вокны мы ставілі. Дужа крыўдна за паводзіны людзей. Мы выклікалі ўчастковага, ён склаў пратакол па факце надпісаў. Цяпер я пішу заяву на факт разбітых вокнаў», — паведаміла сакратарка сінагогі Мая Савацеева.
Паводле спадарыні Савацеевай, рэгулярна наведваюць сінагогу каля пяцідзесяці вернікаў — пераважна гэта людзі сталага веку. Пакрыццё выдаткаў на рамонт ляжа на плечы гэтых людзей.
Цяпер чытаюць
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі5
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2222
Каментары