Гэтая аварыя на пешаходным пераходзе ў Гродне адбылася два тыдні таму. Але толькі цяпер стала вядома, што адзін з пацярпелых — актывіст «Маладога фронту» Арцём Ластавецкі,піша
Арцём Ластавецкі і яго сяброўка Алена Мойская пераходзілі дарогу па пешаходным пераходзе, калі іх збіла машына. Юнак і дзяўчына да гэтага часу знаходзяцца ў бальніцы хуткай дапамогі.
Першыя чатыры дні Арцём знаходзіўся без прытомнасці пад штучным дыханнем.
«Дзве нагі зламаныя ў трох месцах, лёгкае прабітае, але рады, што выжыў», — кажа Арцём.
У дачыненні да кіроўцы таксі, які збіў маладых людзей, распачатая крымінальная справа.
Арцём Ластавецкі — маладафронтавец з Баранавічаў, стыпендыят праграмы імя Кастуся Каліноўскага. Пасля праблем з навучаннем у Беларусі быў вымушаны працягваць адукацыю ў Польшчы.
Каментары