У кіраўніцтве нацыянальнага аператара сувязі кампаніі «Белтэлекам» адбыліся кадравыя змяненні.
Як паведамілі БелаПАН у «Белтэлекаме», з 1 студзеня 2012 года
ўведзена пасада намесніка генеральнага дырэктара па персанале і ідэалагічнай рабоце.Намесніцай генеральнага дырэктара прызначана Святлана Юркевіч.
Намеснік гендырэктара па персаналу і ідэалагічнай рабоце кіруе пытаннямі адзінай кадравай палітыкі. У яго кампетэнцыі — кіраванне персаналам, кантроль выканнаня працоўнага заканадаўства і працоўнай дысцыпліны, выкананне правоў, ільгот і гарантый работнікам прадпрыемства,
Святлана Юркевіч нарадзілася ў 1976 годзе ў Мінску.Скончыла Вышэйшы каледж сувязі (1999 год) і Акадэмію кірвання пры прэзідэнце (2008 год).
У галіне сувязі Святлана Юркевіч з 1999 года: працавала эканамістам у «Мінскаблтэлекаме». У 2002 годзе перайшла ў апарат кіравання кампаніі на пасаду эканаміста другой катэгорыі. Праз тры гады становіцца начальнікам аддзела працы і заработнай платы ўпраўлення прагназавання і эканамічнага аналізу. А з 1 красавіка 2008 года да прызначэння на пасаду намесніка генеральнага дырэктара ўзначальвала ўпраўленне прагназавання і эканамічнага аналізу.
Кадравае змяненне адбылося і ў камерцыйнай дырэкцыі «Белтэлекама». Намеснік генеральнага дырэктара кампаніі па камерцыйных пытаннях Андрэй Сабораў з 21 студзеня 2012 года пакінуў сваю пасаду. Ён кіраваў камерцыйным блокам на працягу двух гадоў.
У кампетэнцыю Саборава ўваходзіла маркетынгавая сфера кампаніі, асноўныя кірункі тарыфнай палітыкі, стратэгія прадажаў, удасканаленне паслуг сувязі і іх прасоўванне, міжнародныя ўзаемразлікі, праграмы сувязяў з грамадскасцю, а таксама іншыя кірункі дзейнасці камерцыйнай дырэкцыі.
«Белтэлекам» створаны 3 ліпеня 1995 года. З’яўляецца пярвічным
