Урад КНДР упершыню за апошнія сем гадоў выдаў жыхарам краіны бясплатныя харчовыя наборы з нагоды надыходу Новага года па ўсходнім календары.
Паводле дадзеных СМІ Паўднёвай Карэі, выдадзеная паўночнакарэйскім урадам пайка змяшчае рыс і кукурузную крупу і разлічаная на тэрмін ад трох да пяці дзён. Аднак паведамляецца, што не ва ўсіх раёнах КНДР хапіла харчавання для паўнавартасных набораў — некаторым жыхарам краіны дасталася толькі кукурузная крупа, якая цэніцца на парадак ніжэй, чым рыс.
Таксама жыхарам некаторых буйных гарадоў былі выдадзеныя талоны на атрыманне рыбы, якая, аднак, саступае па якасці свежым морапрадуктам, якія можна набыць на паўночнакарэйскіх рынках.
Апошні раз бясплатныя пайкі выдаваліся ўрадам краіны ў 2005 годзе.Харчовая праблема заўсёды стаяла вельмі востра для КНДР, якая знаходзіцца пад дзеяннем міжнародных санкцый.

Каментары