26 студзеня паэт адзначае ўласнае 50-годдзе і выхад першай кнігі.
Спадар Сяргей, як і яго цёзка Анатоль, — паэт «талакоўскага» паклікання. Сяржук Сыс нарадзіўся 26 студзеня 1962 года ў вёсцы Заспа Гомельскай вобласці. Скончыў філалагічны факультэт Гомельскага універсітэта.
Падчас вучобы ў ВНУ пасябраваў з Алесем Бяляцкім, Эдуардам Акуліным, Анатолем Сысом, разам з якімі ўвайшоў у Таварыства маладых літаратараў «Тутэйшыя».
«Для мяне Сыс — гэта ўвасабленне
Ёсць такое выслоўе: «Расколіна свету праходзіць праз сэрца паэта», дык паэзію Сыса можна параўнаць з стрэмкай у сэрцы паэта.Нажаль, далёка не ўсё вартае ўвайшло ў зборнік.
Творчасць Сержука, яго праваабарончая дзейнасць — усё гэта выклікае вялікую павагу ў часы калі шмат каму тое, што адбываецца навокал — абыякава. У Сыса атрымліваецца
калі ягоны біялагічны ўзрост — 50 гадоў, дык у душы яму 16.Я хачу далучыцца да шматлікіх віншаванняў Сержуку Сысу».
Прэзентацыя зборніка Сяржука Сыса «Стрэмка» пройдзе 26 студзеня ў кнігарні «логвінаЎ» (Незалежнасці, 37а). Пачатак, а 18.30. Уваход вольны.
* * *
Ноч. Павуцінне сноў.
Дзень. Павуцінне спраў.
Скажаш, нібыта ўкраў
Некалькі нечых слоў.
Людзі паслянавальнічнае эры
Афішы змываючы з твараў вітрынаў,
Людзей заганяючы з боем пад дахі,
Ліпень залеву на Гомель абрынуў –
Водар лазы ды аерныя пахі.
Стома сплывае з праспектаў руплівых,
Перапыняюцца пульсы артэрый,
І выбягаюць пад дождж нецярпліва
Людзі паслянавальнічнае эры.
Бурбалкі ўспеньваюць гладзь тратуараў,
Кроплі гаючыя лашчаць лістоту…
І ў гамяльцоў прабягае па тварах
Лёгкая ўсмешка дзіцячай пяшчоты.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары