Тэрмін расследавання крымінальнай справы Аляксандра Варламава і ўтрымання абвінавачанага пад вартай падоўжаны да мая 2012 года, паведамілі ў Следчым камітэце.
Мадэльеру Аляксандру Варламава ў студзені 2012 года былі прад’яўленыя абвінавачванні па ч. 4 арт.209 «Махлярства» КК. Эпізод, як адзначаюць у СК, звязаны з правядзеннем Варламавым ашуканскіх дзеянняў, у тым ліку ў дачыненні да бацькоў непаўналетніх дзяцей, якія ўдзельнічалі ў паказах мод за мяжой.
Устаноўлена, што, будучы падманутымі, бацькі перадавалі Варламаву наяўныя грашовыя сродкі для аплаты праезду дзяцей за мяжу, іх пражывання, а таксама на іншыя расходы. У той жа час фінансаванне гэтых расходаў ажыццяўлялася за кошт бюджэтных сродкаў і сродкаў БДУ.
Цяпер па крымінальнай справе ўстанаўліваюцца ўсе акалічнасці супрацьпраўнай дзейнасці абвінавачванага, звязанай з арганізацыяй і правядзеннем міжнародных паказаў у межах фестывалю «Млын моды», незаконным расходаваннем бюджэтных сродкаў, прымаюцца меры па пакрыцці нанесенага ўрону. У прыватнасці, следства правярае дадзеныя пра магчымае прысваенне на працягу 2007–2010 гадоў Варламавым выдзеленых з рэспубліканскага бюджэту грашовых сродкаў для камандзіравання ў краіны Еўропы ўдзельнікаў
Праводзяцца праверкі па фактах магчымага сістэматычнага крадзяжу Варламавым грашовых сродкаў, якія налічваліся падпарадкаваным яму работнікам у якасці заработнай платы, матэрыяльнай дапамогі, прэмій.
Па крымінальнай справе, што знаходзіцца ў вытворчасці ўпраўлення па расследаванні злачынстваў у сферы арганізаванай злачыннасці і карупцыі Следчага камітэта, Варламаву прад’яўлены абвінавачанні ва ўчыненні злачынстваў, прадугледжаных ч. 4 арт. 209, ч. 3 арт. 210, ч. 3 арт. 426 КК.
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»15
Каментары