За зламаную нагу жанчына адсудзіла ў крамы 6 млн рублёў
Прычым яна сама адстойвала свае правы, грошай на адваката не было.
Яна змагла даказаць, што стэлаж з мукой паставілі ў неналежным месцы.
— Я сама ў судзе адстойвала свае правы, грошай на адваката ў мяне няма.
Затое ў інтэрнэце можна знайсці любую інфармацыю, любыя заканадаўчыя акты.Тым больш столькі разоў глядзела ўсякія перадачы, напрыклад, «Гадзіна суда», што свае правы выдатна ведала, — распавядае жыхарка Пінска Алена Андрусяк.
Гэтая гісторыя пачалася яшчэ ў снежні 2010. У той вечар Алена зайшла ў краму каля дома па прадуктыі. А калі праходзіла каля стэлажа, на якім стаяла мука на распродаж, то зачапілася і павалілася. Супрацоўнікі крамы тут жа выклікалі «хуткую», якая павезла пінчанку ў бальніцу. Аказалася, у яе пералом нагі.
— Я была на бальнічным чатыры месяцы, перанесла дзве аперацыі.
Калі мне выставілі рахунак за металічны блакавальны стрыжань у адзін мільён, адразу вырашыла: буду звяртацца ў суд.Гэта вельмі сур’ёзная сума для мяне, я ж адна гадую дваіх дзяцей, працую прыбіральніцай, і зразумела, што заробак невялікі, — кажа Алена Андрусяк.
— Вы ж працуеце прыбіральшчыцай у натарыяльнай канторы. Можа, кансультаваліся з кімсьці на працы?
— Не, у мяне няма лішніх грошай.
Жанчына падала пазоў у суд і папрасіла спагнаць з крамы 6 мільёнаў. Адзін — за стрыжань і пяць — маральную шкоду.
— Рэч у тым, што палет з мукой стаяў проста на праходзе, а ў правілах пажарнай бяспекі сказана, што так рабіць нельга. У выпадку эвакуацыі праход павінен быць свабодны. Суд доўжыўся практычна год, і зараз вынесена рашэнне ў маю карысць, крама абавязаны мне выплаціць 6 мільёнаў.
Яшчэ калі я ляжала ў бальніцы, прыходзілі супрацоўнікі гэтай крамы і сказалі, што паставілі свечку ў царкве за маё здароўе. Ні пра якую кампенсацыю гаворкі не ішло,— распавядае Алена.
Пасля гэтага інцыдэнту жанчына перастала хадзіць у краму каля дома. Кажа, непрыемна ўспамінаць пры інцыдэнт. А арганізацыя, якой належыць крама, вырашае, што рабіць далей.
— Мы яшчэ не атрымалі матывавальнай часткі. Калі яна будзе дастаткова аргументаванай, то нам прыйдзецца выплаціць грошы. Калі ў нас узнікнуць пытанні, будзем абскарджваць рашэнне суда, — кажуць у ААТ «Прадукты Пінск».
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»7
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары