Дэкларацыі аб даходах за 2011 г. беларусы павінны падаць да 1 сакавіка ўключана

Дэкларацыі аб даходах, атрыманых у 2011 годзе, грамадзяне Беларусі, якія з’яўляюцца падатковымі рэзідэнтамі рэспублікі, павінныя падаць у падатковыя органы не пазней за 1 сакавіка 2012 года, паведамілі БЕЛТА у прэс-службе Міністэрства па падатках і зборах.

Такім чынам, апошні дзень падачы дэкларацый — 1 сакавіка. Падатковыя органы будуць у гэты дзень прымаць дэкларацыі да 19 гадзін.

У МПЗ паведамілі, што па стане на 27 лютага 2012 года ў падатковыя органы пададзена 10 тыс. 733 дэкларацыі аб даходах за 2011-ы. У мінулым годзе дэкларацыі аб даходах за 2010 год падалі 8 тыс. 688 фізічных асоб. Такім чынам, павелічэнне склала больш чым на 2 тыс. дэкларацый.

У Міністэрстве па падатках і зборах патлумачылі, хто абавязаны падаць у падатковы орган дэкларацыю аб даходах і якія даходы грамадзян падлягаюць падаткаабкладанню.

Дэкларацыі падаюць грамадзяне, якія атрымалі даходы ад іншых фізічных асоб ад продажу на працягу 5 гадоў другой кватэры, другога жылога дома, другога гаража, другога зямельнага ўчастка, другога садовага доміка, другой дачы. Гэта ж тычыцца і тых, хто атрымаў даходы ад продажу іншай нерухомай маёмасці, а таксама ад продажу на працягу каляндарнага года грузавіка, аўтобуса, другой легкавой машыны, ад рэалізацыі каштоўных папер, маёмасных правоў, доляў, паёў у арганізацыях. Трэба падаць дэкларацыю і аб даходах, атрыманых за мяжой і (або) з-за мяжы.

Падлягаюць падаткаабкладанню даходы, атрыманыя ад грамадзян, якія не з’яўляюцца індывідуальнымі прадпрымальнікамі, у выглядзе дарэння і (або) у выглядзе нерухомай маёмасці па дагаворах рэнты бясплатна пры ўмове, што такія даходы ў агульнай суме за год перавысілі Br17, 5 млн. (500 базавых велічыняў). Сюды адносяцца і даходы, атрыманыя інвалідамі, непаўналетнімі, якія не маюць бацькоў (аднаго з бацькоў), а таксама плацельшчыкамі, якія маюць патрэбу ў аказанні дарагой медыцынскай дапамогі, у выглядзе бязвыплатнай (спонсарскай) дапамогі ад беларускіх арганізацый і грамадзян пры ўмове, што такія даходы ў агульнай суме за год перавысілі Br35 млн. (1 тыс. базавых велічынь).

Даходы, атрыманыя ад здачы ў арэнду (субарэнду), наём (паднаём) грамадзянам, якія не з’яўляюцца індывідуальнымі прадпрымальнікамі, жылых і (або) нежылых памяшканняў, якія знаходзяцца на тэрыторыі Беларусі, пры ўмове, што яны ў агульнай суме за год перавысілі Br17, 5 млн., таксама дэкларуюцца. Гэта датычыцца і шэрагу іншых відаў даходаў, у тым ліку вяртання страхавых узносаў пры датэрміновым скасаванні дагавораў добраахвотнага страхавання ў пэўных выпадках.

У міністэрстве таксама адзначылі, што падатковымі рэзідэнтамі Беларусі прызнаюцца фізічныя асобы, якія фактычна знаходзіліся на тэрыторыі рэспублікі ў каляндарным годзе больш за 183 дні. Фізічныя асобы, якія фактычна знаходзіліся за межамі тэрыторыі краіны 183 дні і больш у каляндарным годзе, не прызнаюцца падатковымі рэзідэнтамі Беларусі.

Акрамя таго, дэкларацыю аб даходах, атрыманых у 2011 годзе, могуць падаць грамадзяне, якія маюць права на атрыманне падатковых вылікаў (сацыяльных, маёмасных, прафесійных), пры ўмове, што абавязак па падачы такіх вылікаў грамадзянам ўскладзены на падатковыя органы.

Форма дэкларацыі размешчаная на афіцыйным сайце Міністэрства па падатках і зборах. Дэкларацыя можа быць пададзеная плацельшчыкам, iншай абавязанай асобай у падатковы орган асабіста або праз прадстаўніка, адпраўленая па пошце ці перададзеная з дапамогай праграмных і тэхнічных сродкаў.

Падатковыя органы прымаюць дэкларацыі па агульным графіку з 8.00 да 19.00 у працоўныя дні.

• 0
• 0
• 0
• 0
• 0
• 0
• 0
• 0