Ідэоляг Мінабароны: Моладзь, што брала ўдзел у падзеях на Плошчы і «Чарнобыльскім шляху», гатова прадавацца за валюту
«Моладзь, якая брала ўдзел у падзеях на Кастрычніцкай плошчы і «Чарнобыльскім шляху», гатова за валюту прадаць радзіму», — заявіў на прэс‑канферэнцыі 25 мая ў Мінску начальнік аддзела прапаганды ўпраўлення маральна‑псіхалагічнага забеспячэння галоўнага ўпраўлення ідэалагічнай працы Міністэрства абароны Беларусі Уладзімір Шчасны. Паводле яго слоў, задача сілавых ведамстваў, якія ў летні перыяд арганізуюць спартыўна‑патрыятычныя лагеры, «заключаецца ў тым, каб, забраўшы моладзь з вуліцы, перш за ўсё выхаваць патрыёта і грамадзяніна».
У.Шчасны паведаміў, што летась пры супрацоўніцтве Міністэрства адукацыі і воінскіх часцей працаваў 61 спартыўна‑патрыятычны лагер, якія наведалі прыкладна 3,6 тыс. падлеткаў. Паводле яго слоў, колькасць такіх лагераў штогод павялічваецца.
Гэтым летам у Беларусі будзе працаваць 351 ваенна‑патрыятычны і абаронна‑спартыўны лагер.
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары