Dyrektara rybhasu zasudzili za vyhnańnie brakańjeraŭ
09.07.2007 / 07:55
Były dyrektar rybhasa «Hrycava» Maładziečanskaha rajona pryhavorany da 4 hadoŭ pazbaŭleńnia voli. Jak paviedamili ŭ pres-centry Hienieralnaj prakuratury, padčas śledstva było ŭstanoŭlena, što dyrektar rybhasa, źjaŭlajučysia słužbovaj asobaj, pa asabistaj inicyjatyvie ŭskłaŭ na siabie abaviazki pa achovie sažałak rybhasa ad mahčymych hrabiažoŭ ryby. U žniŭni 2006 hoda, kala rybhasa «Nahulnaja sažałka № 3» pablizu vioski Ciemianica Maładziečanskaha rajona, jon adabraŭ vudački ŭ traich hramadzian, a zatym zbiŭ ich humavaj dubinkaj. Paciarpiełyja vymušany byli ratavacca ŭciokami. Zatym, uzłamaŭšy zamok bahažnika ŭ aŭtamabili adnaho z paciarpiełych, dyrektar vykraŭ adtul majomaść na sumu Br170 tys. Kab paźbiehnuć kryminalnaj adkaznasci, šlacham uhavoraŭ i pahrozy zvalnieńnia z raboty jon padbuchtorvaŭ rabotnikaŭ rybhasa — svaich padnačalenych — da dačy łžyvych pakazańniaŭ.