Rasiejski «Ŭzvod» nazyvajecca «Rotaj»
28.10.2005 / 13:0
1980-ja. Aŭhanistan. 9-ja rota musić trymać vyšyniu da prachodu kalony. Ale na vajskoŭcaŭ zabyvajuć.
Fiodar Bandarčuk abapiraŭsia na kinaspadčynu svajho słavutaha baćki. I na «Ŭzvod» Olivera Stoŭna. A taksama na Zyhmunda Frojda, jakoha zhadvaje navabraniec-mastak. Pałkavaja nimfamanka Biełaśniežka, uzmakrełyja cieły, razmovy pra dziavočyja spadnički. Impulsy žyćcia j śmierci pad maskami vypisanych typažoŭ: dzietdomaviec, kantužany praparščyk… Epizadyčnuju rolu vajskoŭca stomlena syhraŭ Stanisłaŭ Havaruchin.
Znakamity pieciarburski pierakładčyk filmaŭ Hoblin abvinavaciŭ stužku F.Bandarčuka ŭ paraženskich nastrojach i niedakładnaści. Daremna. Kali ŭ amerykanskich karcinach hieroi śćviardžajuć indyvidualizm nasupierak miasarubcy, to sučasny rasiejski hieroj ratujecca ŭ savieckim kalektyviźmie. «My pieramahli», — kaža adziny, chto vyžyŭ. 9-ja rota zdolnaja pieramahać i dalej, voś tolki Harbačoŭ vojski pavyvodziŭ.
U cełym — heta adzin z najlepšych rasiejskich filmaŭ apošnich hadoŭ.
∎
«9-ja rota».
Rasieja—Ukraina, 2005, kalarovy, 140 chv.
Žanr: vajenny film.
Adznaka: 6 (z 10).