Kiroŭca zasnuŭ za rulom: DTP pad Iŭjem zabrała dva maładyja žyćci

Mietraŭ tryccać aŭtamabil jechaŭ pa ŭzbočynie, potym urezaŭsia ŭ dreva.

02.12.2012 / 12:17

Nočču 1 śniežnia ŭ Iŭjeŭskim rajonie adbyłasia avaryja, jakaja zabrała žyćcio dvuch maładych ludziej.

— Trahiedyja adbyłasia kala hadziny nočy na ​​14-m kiłamietry darohi Juraciški — Bakšty. 19-hadovy minčanin na «žyhulach» razam sa znajomymi viartaŭsia z horada Iŭje ŭ Bakšty, —
paviedamiŭ načalnik adździaleńnia ahitacyi i prapahandy UDAI UUS Hrodzienskaha abłvykankama Jaŭhien Dudko. —
Pasažyry pa darozie vypili pa butelcy piva i zadramali. Pračnulisia jany ad skryhatu mietału ab halinki i mocnaha ŭdaru.
Mietraŭ tryccać aŭtamabil jechaŭ pa ŭzbočynie, potym źjechaŭ u levy kiuviet i ŭrezaŭsia ŭ dreva.

Pavodle papiaredniaj viersii,

19-hadovy kiroŭca zasnuŭ za rulom.
Kali mašynu vyniesła na abočynu, suk adnaho z dreŭ sarvaŭ dach.
U vyniku DTZ zacisnuty ŭ sałonie kiroŭca pamior na miescy. Takaja ž dola spaścihła nie pryšpilenaha ramianiom biaśpieki na zadnim levym siadzieńni 19-hadovaha pasažyra.

Jašče dvum maładym pasažyram akazvałasia miedycynskaja dapamoha.

Maładyja ludzi, jakija vyžyli, śćviardžajuć, što kiroŭca za rulom nie piŭ, niahledziačy na ​​nastojlivaje zaprašeńnie. Ich słovy paćvierdzić abo asprečyć śledstva.