Devid Bekchem tryumfalna zaviaršyŭ amierykanski etap karjery

02.12.2012 / 21:29

Devid Bekchem z synami śviatkuje pieramohu.

Devid Bekchem tryumfalna zaviaršyŭ svoj apošni matč za amierykanskuju futbolnuju kamandu «Łos-Andželes Hełaksi», jakaja pieramahła «Chjustan Dynama» ź likam 3:1 i znoŭ zavajavała kubak amierykanskaj Hałoŭnaj futbolnaj lihi (MLS). Bekchem vystupaŭ za kalifarnijski kłub piać z pałovaj hadoŭ.

«Mnie vielmi sumna, što ŭsio skončyłasia, — skazaŭ Bekchem. — … Heta vielmi značnaje dla mianie miesca i nazaŭsiody takim zastaniecca. Mnie było pryjemna stać častkaj kłuba na šeść hadoŭ. Chaj ja i nie budu tut bolš znachodzicca, ale ja budu pa-raniejšamu prykładać usie namahańni dla raźvićcia hetaha kłuba, hetaj lihi i hetaha sportu.

Bekchem byŭ blizki da pierachodu ŭ francuzski PSŽ minułaj zimoj, ale tady vyrašyŭ padpisać novy kantrakt z kłubam z Łos-Andželesa. Zaraz pra cikavaść da jaho paviedamlajecca z boku mnostva kamand z roznych kantynientaŭ — Aŭstralii, Paŭdniovaj Amieryki i Azii.

Užo ŭ bližejšyja vychodnyja pačnucca pieramovy pra mahčymy pierachod Bekchema ŭ «Manaka», jaki lidziruje zaraz u druhim pa sile francuzskim dyvizijonie.
Sam futbalist śćviardžaje, što pakul nie viedaje, dzie praciahnie svaju spartyŭnuju karjeru.

Niadaŭna eks-kapitan zbornaj Anhlii zajaviŭ, što nie źbirajecca viartacca na radzimu ŭ Prem'jer-lihu, bo nie choča vystupać za inšyja kłuby, akramia «Mančestera Junajted».

Letaś Bekchem užo zavajoŭvaŭ kubak MLS u składzie «Łos-Andželes Hełaksi. A ŭ finale 2009 hoda jaho kamanda paciarpieła parazu ŭ sieryi paślamatčavych pienalci ad «Sołt-Łejka».

Za 10 chvilin da zakančeńnia sustrečy trenier «Hełaksi» zamianiŭ Bekchema, jaki pa šlachu na łaŭku zapasnych paśpieŭ abniać hulcoŭ jak svajoj kamandy, tak i kamandy supiernika.

Za svaju karjeru Devid Bekchem šeść razoŭ stanaviŭsia čempijonam Anhlii ŭ składzie «Mančester Junajted, vyjhravaŭ u im ža Lihu čempijonaŭ i adzin raz vyjhraŭ ispanskaje pieršynstvo z madrydskim «Reałam».