Viktoryja Azaranka zarabiła za 2012 hod rekordnuju kolkaść pryzavych

Rekord Siereny Uiljams pabity.

03.12.2012 / 09:27

Viktoryja Azaranka z hałoŭnym trafiejem Australian Open

Biełaruska Viktoryja Azaranka, jakaja zaviaršyła 2012 hod na pieršym radku žanočaha suśvietnaha tenisnaha rejtynhu, ustanaviła novy rekord Žanočaj tenisnaj asacyjacyi (WTA) pa kolkaści pryzavych, zaroblenych za adzin siezon.

Viktoryja Azaranka, u 2012 hodzie vyjhrała šeść turniraŭ, zarabiła $ 7 młn 923 tys. 920 dalaraŭ. Ź ich u adzinočnym razradzie — $ 7 312 651, u parnym — $ 7 130 i ŭ mikście — $ 4 139.

Usiaho ž za prafiesijnuju tenisnuju karjeru Viktoryja Azaranka zarabiła $ 16 857 277 pryzavych.
Atrymlivajecca, što ŭ 2012 h. biełaruska zarabiła amal stolki ž, kolki za ŭsie papiarednija — z 2004 hoda.

Takim čynam, Viktoryja Azaranka pabiła papiaredni rekord pa kolkaści pryzavych za siezon, ustalavany ŭ 2009 hodzie amierykankaj Sierenaj Uiljams — $ 6 545 586.

I heta niahledziačy na ​​toje, što Sierena ŭ hetym siezonie taksama palepšyła svajo dasiahnieńnie, zarabiŭšy $ 7 045 975.
Piaciorka samych paśpiachovych u finansavym płanie tenisistak płaniety pa vynikach 2012:

1. Viktoryja Azaranka (Biełaruś) — $ 7 923 920

2. Sierena Uiljams (ZŠA) — $ 7 045 975

3. Maryja Šarapava (Rasija) — $ 6 508 296

4. Ahnieška Radvańska (Polšča) — $ 4 101 542

5. Sara Erani (Italija) — $ 3 110 636.

Nahadajem, što ŭ 2012 hodzie Viktoryja Azaranka zavajavała taksama dva miedali na Alimpijadzie ŭ Łondanie, staŭšy bronzavaj miedalistkaj u adzinočnym razradzie i vyjhraŭšy zołata ŭ mikście z Maksimam Mirnym.

Pamier ustanoŭlenych dziaržavaj pryzavych za alimpijskija miedali dla biełarusaŭ na Hulniach u Łondanie składaŭ $150 tys. — za zołata, $75 tys. — za srebra, $50 tys. — za bronzu.