Na Dniapry pierakuliłasia łodka z rybakami: adzin zahinuŭ

03.12.2012 / 10:58

Troje rybakoŭ pierakulilisia ŭ łodcy padčas rybałki na race Dniapro niepadalok ad horada Łojeŭ u Homielskaj vobłaści. Adnaho ź ich vyratavać nie ŭdałosia.

Na dapamohu da tapielcaŭ apieratyŭna prybyli rabotniki Tavarystva vyratavańnia na vodach. Z vady ŭdałosia dastać usich. Adnak adzin z paciarpiełych — 48-hadovy rybak — užo nie padavaŭ prykmiet žyćcia. Bryhada chutkaj dapamohi kanstatavała hibiel mužčyny.

Dvoje inšych rybakoŭ — 33-hadovy i 25-hadovy — špitalizavanyja ŭ rajonnuju balnicu z dyjahnazam «Ahulnaje pieraachaładžeńnie».