Abvinavačany ŭ zdradzie dziaržavy Hajdukoŭ znachodzicca ŭ SIZA №2 Viciebska

03.12.2012 / 14:34

Abvinavačany ŭ zdradzie dziaržavie Andrej Hajdukoŭ znachodzicca ŭ śledčym izalatary № 2 Viciebska. Pra heta BiełaPAN paviedamiŭ jaho tavaryš, lidar niezarehistravanaha abjadnańnia «Sajuz maładych intelektuałaŭ» Jaŭhien Kanstancinaŭ.

Jon skazaŭ, što siońnia sud budzie razhladać chadajnictva Hajdukova ab źmienie jamu miery strymańnia. «Chutčej za ŭsio, infarmacyja pra vyniki budzie blizu viečara», — skazaŭ Kanstancinaŭ.

Namieśnik staršyni «Sajuza maładych intelektuałaŭ» 22-hadovy Andrej Hajdukoŭ byŭ zatrymany supracoŭnikami KDB u Viciebsku 8 listapada «ŭ momant zakładki tajnika sa źviestkami, jakija cikaviać zamiežnyja śpiecsłužby», paviedamiŭ Centr infarmacyi i hramadskich suviaziaŭ KDB. U dačynieńni da Hajdukova raspačata sprava na padstavie č. 1 art. 356 Kryminalnaha kodeksa (zdrada dziaržavie ŭ formie praviadzieńnia ahienturnaj dziejnaści). Zhodna z hetym artykułam jamu pahražaje ad 7 da 15 hadoŭ pazbaŭleńnia voli.

BiełaPAN