Літоўскія перавозчыкі: У Каменным Логу стаіць каля 1 тыс. грузавікоў, чарга — 25 км

10.12.2012 / 13:02

Гіціс Вінцявічус, прэс-сакратар Літоўскай нацыянальнай асацыяцыі аўтаперавозчыкаў Linava, сцвярджае, што з-за затрымкі каля трэцяй часткі работнікаў кантрольна-прапускнога пункта Мядзінінкай (Меднікі) за хабарніцтва, на гэтым КПП утварылася чарга больш чым 1 тыс. грузавікоў.

«У Медніках з беларускага боку чакаюць каля 700 грузавікоў. Гэтая чарга складае амаль 25 кіламетраў. З літоўскага боку чакаюць каля 350 грузавікоў», — сказаў BNS Вінцявічус.

Таксама ён сказаў, што адной з прычын чэргаў на КПП з’яўляецца скарачэнне колькасці мытнікаў.

Яшчэ Вінцявічус адзначыў, што на выходных з беларускага боку на гэтым КПП даводзілася чакаць да двух сутак. Такі ж час у чарзе прыйдзецца правесці кіроўцам і ў панядзелак.

Па словах прадстаўніка Linava, на КПП Шальчынінкай з беларускага боку чакаюць каля 270 грузавікоў, на КПП Райгардас — Прывалка — 300, а на КПП Лаварышкі — каля 500 грузавікоў.

«Мы рэкамендуем вяртаюцца выбраць іншыя памежныя пераходы. Таксама чэргі на мяжы павялічвае і святочны гандаль», — сказаў Винцявчюс. Ён выказаў надзею на тое, што да серады чэргі скароцяцца.