Čyje imiony šukajuć u internecie najčaściej? Top-25 biełaruskich zorak — ad Michałka da Smołavaj

ci viedajecie Vy hetych zorak?

12.12.2012 / 14:15

Papularnaść u šoŭ-biznesie ci sporcie — reč niepastajannaja. Siońnia tvaje pieśni słuchaje ŭsia kraina, a zaŭtra imia vykanaŭcy ŭzhadajuć tolki samyja addanyja fanaty. Vyznačyć, chto najkruciejšy na dadzieny momant, składana, ale pasprabavać možna.

Top-25 samych papularnych «zorak» Biełarusi-2012. Viersija «Našaj Nivy» | Infographic

Adzin z abjektyŭnych kryteraŭ vyznačeńnia papularnaści — toje, nakolki časta ludzi cikaviacca «zorkaj» u internecie.

Pryčym nie tolki ŭ našaj krainie, ale i za miažoj. Vyjhraje Viktoryja Azaranka čarhovy tenisny turnir — i kolkaść zapytaŭ «Azarenka» uzrastaje ŭ razy. Vypuskaje Siarhiej Michałok novy albom — słuchačy nabirajuć «Lapis spampavać biaspłatna».

Pavodzie dadzienych partała Gemius,

dźviuma asnoŭnymi pošukavymi sistemami, jakimi karystajucca biełarusy, źjaŭlajucca amierykanski Google (45% zapytaŭ) i rasijski Jandeks (41%).

Kožny ź ich maje svoj ličylnik kolkaści zapytaŭ. Raźliki viaducca pa pryncypova roznych mietodykach, ale dazvalajuć praličyć, nakolki taja ci inšaja zorka cikaviejšaja dla aŭdytoryi za astatnich.

Jahor Marcinovič