Polski žurnalist atrymaŭ prestyžnuju premiju za repartaž ź Biełarusi
13.12.2012 / 10:12
Hžehaž Šymanik staŭ adnym z łaŭreataŭ premii imia Ryčarda Kapuścinskaha, zasnavanaj ahienctvam RAR.
Žurnalist vydańnia «Gazeta Stołeczna», jakoje źjaŭlajecca varšaŭskim dadatkam «Gazety Wyborczej», byŭ uznaharodžany za repartaž «Tavaryšy, ja vaš fiurer», jaki byŭ zrobleny ŭ rodnaj vioscy Alaksandra Łukašenki. Jon byŭ nadrukavany 21 krasavika 2011 hoda. U jakaści ŭznaharody žurnalist atrymaŭ 20 tysiač złotych (kala 6 tysiač dalaraŭ).
Premija imia Ryčarda Kapuścinskaha prysudžajecca ŭ čatyroch naminacyjach. Hžehaž Šymanik atrymaŭ jaje za lepšy tekst.
«Heta sapraŭdy vydatny tekst, u jakim šmat infarmacyi i jaki ŭ toj ža čas vielmi pryhoža napisany, -- skazała padčas cyrymonii ŭznaharodžańnia Alisa Kapuścinskaja, udava piśmieńnika, imiem jakoha nazvana premija.