Na bolšaj častcy terytoryi krainy DAI ŭviało ŭ dziejańnie płan «Nadvorje»

13.12.2012 / 11:16

Z-za składanych umoŭ nadvorja Dziaržaŭtainśpiekcyjaj uviedzieny płan «Nadvorje» ŭ Viciebskaj, Mahiloŭskaj i Minskaj abłaściach, u Ašmianskim i Smarhonskim rajonach Hrodzienskaj vobłaści, u Ivacevickim, Baranavickim, Hancavickim, Łuninieckim, Stolinskim i Lachavickim rajonach Bresckaj vobłaści.

DAI rekamienduje ŭstrymacca ad pajezdak na asabistym transparcie, asabliva na dalokija adlehłaści, a kali vielmi patrebna — adpraŭlacca ŭ darohu, tolki ŭvažliva pravieryŭšy aŭtamabil i pierakanaŭšysia ŭ jaho techničnaj spraŭnaści.

Praca asabovaha składu darožna-patrulnaj słužby DAI aryjentavanaja na akazańnie dapamohi ŭdzielnikam darožnaha ruchu (vadzicielam i piešachodam) i zabieśpiačeńnie biaśpiečnych umoŭ ruchu.

Arhanizavany kruhłasutačny manitorynh stanovišča vulična-darožnaj sietki na pradmiet svoječasovaha vykanańnia darožnymi i kamunalnymi słužbami rabot pa ŭborcy śniehu i previentyŭnych mierapryjemstvaŭ pa likvidacyi zimovaj ślizkaści. U vypadku nieabchodnaści arhanizujecca supravadžeńnie śniehaŭboračnaj techniki.

U ciažkich darožnych umovach ekipažy DAI patrulujuć z uklučanymi sinimi probliskavymi majačkami dla pryciahnieńnia ŭvahi ŭdzielnikaŭ darožnaha ruchu i papiaredžańnia avaryjnych situacyj.

Pavodle źviestak upraŭleńnia DAI MUS Biełarusi, za minułyja sutki na darohach respubliki zarehistravanyja 464 DTZ z materyjalnym uronam. Učyniena 14 DTZ, u jakich 1 čałaviek zahinuŭ, 16 atrymali ranieńni.

Za kiravańnie transpartnymi srodkami ŭ stanie ałkaholnaha apjanieńnia zatrymanyja 75 vadzicielaŭ. Za pieravyšeńnie chutkasnych režymaŭ ruchu aštrafavanyja 336 vadzicielaŭ. 955 piešachodaŭ pryciahnutyja da adkaznaści za parušeńnie praviłaŭ darožnaha ruchu, ź ich 487 za adsutnaść śviatłoadbiŭnych elemientaŭ u ciomny čas sutak. Praihnaravali abaviazkovaje vykarystańnie ramianioŭ biaśpieki 349 vadzicielaŭ i pasažyraŭ.