Majra Mora: ES nie moža kupić Biełaruś

Jeŭrasajuz nie moža prapanavać tanny haz. Ale našy kaštoŭnaści robiać krainy bahatymi, zajaviła kiraŭnica pradstaŭnictva Jeŭrasajuza ŭ Biełarusi.

13.12.2012 / 12:35

U intervju ahienctvu «Interfaks» Majra Mora zajaviła, što «ES nie moža kupić jakuju b tam ni było krainu». «Takija padychody całkam supiarečać našym kaštoŭnaściam i pryncypam», — adznačyła kiraŭnik pradstaŭnictva ES u Biełarusi.

Jana adznačyła, što «za apošnija 20 hadoŭ Rasija za košt svaich padatkapłatnikaŭ akazała dapamohu ekanomicy Biełarusi na dziasiatki miljardaŭ dołaraŭ». U toj ža čas «ES nie prapanuje i nie moža prapanavać tannuju naftu abo haz svaim krainam-členam abo susiedziam — usie płaciać rynkavuju canu», — adznačyła pradstaŭnica Jeŭrasajuza. Adnak, padkreśliła jana, «ES moža prapanavać dostup na svoj ​​šyroki rynak, vysokija standarty, mahčymaści dla inviestycyj i ich krynicy, sučasnyja ekanamičnyja madeli i, vyšej za ŭsio, našy kaštoŭnaści, jakija robiać ES adnym z najlepšych miescaŭ śviecie dla žyćcia, pracy i vučoby».

Majra Mora zajaviła, što supraca Biełarusi i Jeŭrasajuza nie piarečyć dobrym adnosinam Minska z Maskvoj. «My žadajem Biełarusi pośpiechu, ale varta spadziavacca, što heta supracoŭnictva budzie zasnavana na ahulnych kaštoŭnaściach svabody, demakratyi i svabodnaha rynku», — zajaviła Mora.

MB, cyt. Interfaks