Prezident Polščy zapaliŭ śviečku za biełaruskich palitviaźniaŭ
Prezydent Polščy Branisłaŭ Kamaroŭski razam z žonkaj zapalili minułaj nočču ŭ aknie prezidenckaha pałaca źnič u znak salidarnaści ź biełaruskimi palitviaźniami.
13.12.2012 / 16:30
Simvaličnaja śviečka pamiaci była zapalenaja ŭ hadavinu ŭviadzieńnia ŭ Polščy vajennaha stanovišča (noč z 12 na 13 śniežnia 1981 hoda). Sam ciapierašni prezident Branisłaŭ Kamaroŭski byŭ tady internavany.
«Ja b vielmi chacieŭ, kab uspaminajučy tuju ciažkuju, balučuju, a časam i dramatyčnuju noč, my ŭsie padumali nad losam palakaŭ i ŭsich tych, chto nadalej vymušany zmahacca za svaju svabodu», — zajaviŭ prezident Kamaroŭski.
Zapalić źničy, a 19.30 polskaha času(a ŭ časie vajennaha stanovišča tak rabili miljony palakaŭ, kab padtrymać «Salidarnaść» i demanstrujučy adnačasova ihnaravańnie vypusku navinaŭ na dziaržaŭnym telekanale, jaki akurat pačynaŭsia, a 19.30), prezident Kamaroŭski zaklikaŭ i ŭsich palakaŭ.