Słuchańnie spravy byłoha namieśnika staršyni Minharvykankama Vasiljeva pačniecca 20 śniežnia
13.12.2012 / 20:15
Ab hetym BiełaPAN paviedamili ŭ Minskim abłasnym sudzie. Praces budzie adkrytym.
Nahadajem, Vasiljevu inkryminujecca ŭčynieńnie złačynstva, praduhledžanaha č. 3 art. 430 KK (atrymańnie chabaru asobaj, jakaja zajmaje adkaznaje stanovišča, u asabliva bujnym pamiery).
Vasiljeŭ byŭ zatrymany supracoŭnikami KDB 6 lipienia hetaha hoda pa padazreńni ŭ vymahalnictvie chabaru ŭ 500 tysiač dołaraŭ ZŠA ŭ pradstaŭnikoŭ jeŭrapiejskaha pradpryjemstva-inviestara za spryjalnaje vyrašeńnie pytańnia, jakoje ŭvachodzić u jaho kampietencyju i źviazana z zaklučeńniem inviestycyjnaha dahavora na ahulnuju sumu bolš za 30 miljonaŭ dołaraŭ. Zhodna z pastaŭlenaj pierad kamiersantami Vasiljevym umovaj, pieradača hrašovych srodkaŭ pavinna była ažyćciaŭlacca dźviuma roznymi častkami pa 250 tysiač dołaraŭ. Jaho zatrymali ŭ słužbovym kabiniecie paśla atrymańnia pieršaj častki chabaru.
Były čynoŭnik znachodzicca pad vartaj.