Губернатар Пецярбурга прапануе абмежаваць мігрантаў у выбары прафесій

14.12.2012 / 13:50

Губернатар Санкт-Пецярбурга Георгій Палтаўчанка прапанаваў абмежаваць выбар прафесій для працоўных мігрантаў, а таксама ўвесці дадатковы падатак для іх працадаўцаў.

«Неабходна пашырыць пералік спецыяльнасцяў, па якіх нельга прыцягваць працоўных мігрантаў. Было б нядрэнна, калі б рэгіёны мелі права ажыццяўляць збор з працадаўцаў на пакрыццё нарастаючай сацыяльнай нагрузкі», — адзначыў чыноўнік на сустрэчы з паўнамоцным прадстаўніком прэзідэнта Расіі ў Паўночна-Заходняй федэральнай акрузе Мікалаем Вінічэнкам.

Эксперты Вышэйшай школы эканомікі раней склалі прагноз, паводле якога доля мігрантаў на рынку працы ў мегаполісе на Няве можа скласці 40% да 2020 годзе.