Śviet

Apaznanyja ŭsie achviary trahiedyi ŭ ZŠA: zabojca stralaŭ u 6-7 hadovych dziaciej ź vintoŭki

12 dziaŭčynak, vosiem chłopčykaŭ i šeść žančyn stali achviarami stralby ŭ pačatkovaj škole Sendzi-Chuk u Kanektykucie, paviedamili ŭ palicyi. Zabojca u asnoŭnym stralaŭ ź vintoŭki.

Uzrost školnikaŭ — ad šaści da siami hadoŭ, ustanavili miedekśpierty. Palicyja apaznała ŭsich achviar trahiedyi.

Amal na ŭsich ciełach zahinułych miedyki vyjavili pa dva i bolš ahniastrelnych ranieńniaŭ. Pa zaklučeńni ekśpiertaŭ, chutčej za ŭsio złačynca, akramia vintoŭki, adnačasova vykarystaŭ jašče inšuju zbroju.

Jon, jak miarkujecca, zastreliŭsia. Jaho cieła znajšli ŭ budynku škoły.

Ułady padazrajuć, što masavuju raspravu zładziŭ 20-hadovy Adam Łanca, jaki, vierahodna raniej vučyŭsia ŭ hetaj škole.

Siarod zabitych - Emili Alisa Parkier (6), Hrejs Makdoneł (7), Alivija Endžeł (6), Noa Poźnier (6).

Kamientary da artykuła