Vyratavalnik, što abvaryŭsia ŭ Hrodnie, ratujučy dzicia, voś-voś stanie tatam
19.12.2012 / 11:24
Pavieł i Ira Januškievičy ažanilisia ŭletku.
Padčas likvidacyi praryvu trubarovadu aciapleńnia ŭ Hrodnie mocna paciarpieŭ 21-hadovy vyratavalnik Pavieł Januškievič. Śpiašajučy na jenk dziciaci, jon zvaliŭsia ŭ haračuju vadu i atrymaŭ apioki piataj častki cieła. Žonka Paŭła raskazała pra jaho stan.
«NN»: Jak siabie adčuvaje Vaš muž?
Iryna Januškievič: Stan stabilny. Chacia, kaniečnie, u jaho ŭsio balić. Jamu pastajanna robiać ukoły z abiazbolvajučym, pastajanna mianiajuć paviazki.
«NN»: Jakija častki cieła apiakło?
IJA: Całkam ruki, nohi, hrudzi ad šyi.
«NN»: Vy jaho bačyli?
IJA:
Jon u reanimacyi lažyć, ale ŭdałosia trapić — razmaŭlali. Ale siońnia jaho ŭžo pieravodziać u adździaleńnie.
«NN»: Vy niadaŭna ažanilisia?
IJA: Tak, letam.
«NN»: Ciapier čakajecie dzicia?
IJA: Tak.
U mianie dziaviaty miesiac, u pryncypie, mahu radžać.
«NN»: Pavieł moža viarnucca z balnicy tatam.
IJA: Musić, tak i budzie. Bo lačeńnie zojmie nie mienš za miesiac. Napeŭna, mnie daviadziecca vyjazdžać z radzilni adnoj i jechać da tatki ŭ inšuju balnicu.
«NN»: U jaho takaja prafiesija — ludziej ratavać. Nie strašna było da hetaha vypadku na dziažurstvy jaho adpraŭlać?
IJA: Kožny raz nadta strašna. Ale jon mocna lubić svaju pracu, jon — patryjot prafiesii. I składana było b jaho adhavaryć pakinuć MNS.
«NN»: Vašaja kvatera ŭčora taksama zastałasia bieź ciapła?
IJA: Nie. Ja žyvu na Dambroŭskaha, a tam ničoha nie začapiła.
«NN»: Čytačy pytajucca, jakim čynam Vašaj siamji možna ciapier dapamahčy.
IJA: Dapamohu i nam prapanoŭvajuć, ale my pakul dajom rady sami. Nijakich lekaŭ nie patrabujecca — usio lačeńnie jon atrymlivaje ŭ balnicy.
A maralna pryjemna, što pišuć, padtrymlivajuć. Ja hanarusia svaim mužam. I pryjemna, što nie ja adna.
«NN»: Usiaho Vam najlepšaha, a Vašamu mužu-hieroju słovy hłybokaj pavahi ad čytačoŭ «Našaj Nivy».