U mietro pabilisia minčuki i kaŭkazcy - videa
02.01.2013 / 00:17
Uviečary 31 śniežnia, kala 19.40 ŭ vahonie ciahnika Aŭtazavodskaj linii Minskaha mietrapalitena pamiž stancyjami Pieršamajskaja i Kupałaŭskaja adbyłasia hrupavaja bojka pamiž biełarusami i asobami kaŭkazskaj nacyjanalnaści.
Pavodle papiaredniaj infarmacyi, atrymanaj karespandentami Tut.by ad vidavočcaŭ zdareńnia, sprečka ŭźnikła z-za mižnacyjanalnych zababonaŭ. Uśled za słoŭnaj svarkaj pamiž biełarusami i kaŭkazcami zaviazałasia bojka. Paciarpieli pry hetym u bolšaj stupieni hości stalicy: u adnaho złamany nos, u druhoha - vialikaja hiematoma ŭ halinie voka, u treciaha - raźbitaja huba.
Varta adznačyć, što milicyjanty UUS pa achovie Minskaha mietrapalitena zreahavali na zdareńnie vyklučna apieratyŭna i prafiesijna: kali ciahnik z tymi, chto biŭsia, tolki prybyvaŭ na stancyju Kupałaŭskaja, jaho ŭžo sustrakali ludzi ŭ formie. Sihnał pra zdareńnie jany atrymali ad pasažyraŭ ciahnika dziakujučy knopcy ekstranaj suviazi, ustalavanaj u vahonie.